આંતરરાષ્ટ્રીય નૃત્ય દિવસ આંતરરાષ્ટ્રીય નૃત્ય પરિષદ તથા ‘અંબ્રેલા ઓર્ગેનાઇઝેશન’ દ્વારા યુનેસ્કોનાં સહયોગમાં, ૨૯ એપ્રિલના રોજ દરેક પ્રકારનાં નૃત્યો માટે મનાવવામાં આવે છે. આ ઉજવણીનો મુખ્ય હેતુ લોકોમાં નૃત્યનાં મહત્વ પ્રત્યે જાગૃતિ ઉત્પન્ન કરવાનો તથા વિશ્વભરની સરકારોને, નૃત્યનું શિક્ષણ આપતી સવલતો ઉભી કરવા માટે મનાવવાનો છે. નૃત્ય એ માનવ સંસ્કૃતિનું અભિન્ન અંગ છે. 29 એપ્રિલે સમગ્ર વિશ્વમાં વિશ્વ નૃત્ય દિવસ (World Dance Day) તરીકે ઉજવવામાં આવે છે. આ દિવસનું મુખ્ય ઉદ્દેશ્ય નૃત્યના મહત્વને ઉજાગર કરવું, નૃત્યપ્રેમીઓને એક મંચ પર લાવવા અને વિવિધ નૃત્યશૈલીઓની વિશિષ્ટતા અને સુંદરતાને વિશ્વ સમક્ષ રજૂ કરવી છે. વિશ્વ નૃત્ય દિવસની શરૂઆત 1982માં યુનેસ્કોના આંતરરાષ્ટ્રીય નૃત્ય પરિષદ દ્વારા કરવામાં આવી હતી. આ દિવસ ફ્રેન્ચ નૃત્યકાર જોં જોર્જ નોવેર (Jean-Georges Noverre)ના જન્મદિવસની યાદમાં મનાવવામાં આવે છે, જેને આધુનિક બેલે નૃત્યનો પિતા કહેવામાં આવે છે. નૃત્ય એ માત્ર શારીરિક પ્રવૃત્તિ નથી, પણ વ્યક્તિના ભાવનાત્મક અને આધ્યાત્મિક અભિવ્યક્તિનું શક્તિશાળી સાધન છે. ભારતની સમૃદ્ધ સંસ્કૃતિમાં નૃત્યને અધ્યાત્મ અને ધર્મ સાથે પણ જોડાયું છે. ભારતીય શાસ્ત્રીય નૃત્ય જેવી કે ભરતનાટ્યમ, કથક, ઓડિસી, કથકલિ અને મણિપુરી એ માત્ર કલા નહીં પરંતુ શાશ્વત વારસો છે. આ દિવસે સમગ્ર વિશ્વમાં નૃત્ય પ્રદર્શન, વર્કશોપ, સેમિનાર અને વિવિધ સાંસ્કૃતિક કાર્યક્રમોનું આયોજન કરવામાં આવે છે. ઘણા સંસ્થાઓ દ્વારા નૃત્યની નવી શૈલીઓ રજૂ કરવામાં આવે છે અને લોકોમાં કલા પ્રત્યે પ્રેમ અને સન્માન જાગૃત કરવાનો પ્રયત્ન થાય છે. વિશ્વ નૃત્ય દિવસ એ યાદ અપાવે છે કે નૃત્ય એ ભાષા છે જેમાં શબ્દોની જરૂર નથી હોતી. તે લાગણીઓ અને સંદેશાઓનું સંવાદ મંચ પર અને હ્રદયોમાં ઊંડું ઉતારી શકે છે. નૃત્ય સ્વતંત્રતા, આનંદ અને શાંતિનું પ્રતિક છે. આ અવસરે, આપણે સૌએ નૃત્ય પ્રત્યેની કદર વધારવી જોઈએ, નવા નૃત્ય શીખવા માટે આતુર થવું જોઈએ અને નૃત્ય દ્વારા સમાજમાં ખુશી અને સકારાત્મકતા ફેલાવવાનો સંકલ્પ કરવો જોઈએ.
– મિતલ ખેતાણી ( 9824221999)