ફાધર્સ ડે નિમિતે,હૃદય ની વાત

મા ઈશ્વર તો બાપ જાપ છે

એનાં ઉપકારોનું ક્યાં માપ છે
બાપ એ બાપ એ બાપ છે

મા વિશે તો લખાયું કેટલુંય
મા ઈશ્વર તો બાપ જાપ છે

ચામડીનાં જોડાં પહેરાવે એ
હૈયે,હોઠે સંતાનોનો સંતાપ છે

ફોટામાં કે હોય નરોત્તમ જીવતાં
સતત વરસતા આશીર્વાદ છે

હાજરીમાં જ એને ભજી લેજો
પ્રભુનું પ્રત્યક્ષ સ્વરૂપ બાપ છે

બાપ થયાં પછીજ મૂલ્ય સમજાશે
અમૂલ્ય,અતુલ્ય,અનંત બાપ છે.

-મિત્તલ ખેતાણી (9824221999)