ભાગદોળવાળા જીવનમાં માત્ર 10 મિનિટના મિની યોગ તમને નવી ઊર્જા આપી શકે છે. તમે પોતાના બધા જ કામ કરતા રહીને પણ તેને કરી શકો છો. આ યોગાસન સરળ છે, જેને કોઈપણ વ્યક્તિ, કોઈપણ ઉંમરે સરળતાથી કરી શકે છે. યોગ આપણા શરીર અને મનમાં એક લય પેદા કરે છે. યોગ તમારા હ્રદયના ધબકારા અને બ્લડ પ્રેશરને સંતુલિત કરી શકે છે, સાથે જ ઘાસની ગતિને ધીમી કરીને મગજને પણ શાંત કરે છે. તે કાર્યક્ષમતાને 15– 20% સુધી વધારી શકે છે- જેના લીધે કામની ગતિ પણ વધશે અને કામની ગુણવત્તા પણ.

1) વજાસન (1 મિનિટ)

રીતઃ ઘૂંટણને વાળીને એ ડી પર બેસો, પીઠ સીધી રાખો અને હથેળીને ઘૂંટણ પર મૂકો. તમારું ધ્યાન શ્વાસ પર રાખો અને આંખ બંધ કરીને સામાન્ય બાસ લેતા રહો.
ફાયદોઃ આ પાચન સુધારે છે, મનને શાંત કરે છે અને ધ્યાનની તૈયારી માટે ઉચિત છે.

2) અનુલોમ – વિલોમ (2 મિનિટ)

રીતઃ જમણા હાથના અંગૂઠાથી જમણી નાસિકા બંધ કરો અને ડાબી નાસિકાથી શ્વાસ લો. પછી ડાબી નાસિકા બંધ કરીને જમણીમાંથી શ્વાસ છોડો. હવે જમણીમાંથી / પાસ લો અને ડાબીમાંથી છોડો
ફાયદોઃ આ માનસિક સંતુલન આપે છે, ગુસ્સો, બેચેની અને ગભરામણ શાંત કરે છે.

3) બાલાસન ( 1 મિનિટ )

રીતઃ વજાસનથી આગળ ઝૂકો, માથું જમીન પર મુકો, હાથ આગળની તરફ ફેલાવો. બિલકુલ નાના બાળકની જેમ.
ફાયદો: આ મુદ્રા માનસિક શાંતિ આપે છે. કરોડરજ્જુને આરામ આપે છે, તણાવ દૂર કરે છે અને ઊંઘની ગુણવત્તા સુધારે છે.

4) ભુજંગાસન (। મિનિટ)

રીતઃ પેટના બળે સૂઈ જાઓ, હાથને ભાની નીચે રાખો અને શ્વાસ લેતા જઈ માથું અને છાતી ઊપર ઊંચકો, કોણી થોડી વળેલી રહે.
ફાયદો: પીઠને મજબૂત કરે છે, ફેફસાં ફેલાવે છે અને શરીરમાં સ્ફૂર્તિ લાવે છે, કરોડરજ્જુની લવચીકતા વધારે છે.

5) અર્ધચક્રાસન (1 મિનિટ)

રીતઃ સીધા ઊભા ર હીને બંને હાથ કમર પર મૂકો અને શ્વાસ લેતા જઈને ધીમે-ધીમે પાછળની તરફ વાંકા વળો. માથું થોડું પાછળ લઈ જાઓ.
ફાયદોઃ થાક દૂર કરે છે અને કરોડરજ્જુ લવચીક બનાવે છે. છાતી પહોળી કરે છે અને બેસવાની ખરાબ મુદ્રા સુધારે છે.

6) કપાલભાતિ (2 મિનિટ)

રીતઃ કરોડરજ્જુ સીધી રાખીને સુખાસન કે પદ્માસનમાં બેસો. નાક વડે જોરથી શ્વાસ બહાર છોડો અને સાથે પેટને અંદર તરફ ખેંચો, ભારા આપમેળે પાછો આવશે.
ફાયદોઃ શરીરના ઝેરી તત્વોને બહાર કાઢે છે અને ઊર્જા પૂરી પાડે છે, પેટની ચરબી ઘટાડવા, પાચન સુધારવા અને મનને સાફ તથા સક્રિય કરવામાં મદદ કરે છે.

7) તાડાસન (2 મિનિટ)

રીતઃ સીધા ઊભા રહીને બંને હાથ ઊપર ઊંચા કરી અને શરીરને આંગળીઓ સુધી ખેંચો. એડીને ઊંચી કરી સંપૂર્ણ શરીરનો ભાર પંજા પર લાવો અને દૃષ્ટિ સામે રાખો.
ફાયદો: આ આસન ફેફસાંને મજબૂત કરે છે અને એકાગ્રતા વધારે છે, શરીરનું સંતુલન સુધરે છે અને માંસપેશીઓમાં ખેંચાવ લાવીને તેમને મજબૂત બનાવે છે.