શ્રી કરુણા ફાઉન્ડેશન ટ્રસ્ટ દ્વારા તા. 14 ફેબ્રુઆરી, શનિવારે બપોરે 04:00 થી 06:00 વાગ્યા સુધી જાણીતા લર્નિંગ એન્ડ ડેવલપમેન્ટ સ્પેશિયાલિસ્ટ નિશ્રીન સાદિકોટ દ્વારા “સેલ્ફ ડેવલપમેન્ટ” વિષય પર વિશેષ ઑનલાઇન સેમિનારનું આયોજન કરવામાં આવ્યું છે.
નિશ્રીન સાદિકોટ છેલ્લા 15 વર્ષથી વધુ અનુભવ ધરાવતા પ્રમાણિત લર્નિંગ એન્ડ ડેવલપમેન્ટ પ્રોફેશનલ છે. તેઓએ શિક્ષણ, રિટેલ, BFSI, હેલ્થકેર અને FMCG જેવા વિવિધ ક્ષેત્રોમાં બિહેવિયરલ, સોફ્ટ સ્કિલ્સ, લીડરશિપ અને કોમ્યુનિકેશન આધારિત તાલીમ કાર્યક્રમો ડિઝાઇન અને ફેસિલિટેટ કર્યા છે. તેમણે હજારો વિદ્યાર્થીઓ, યુવા વ્યાવસાયિકો, ફ્રન્ટલાઈન સ્ટાફ અને મેનેજમેન્ટ ટીમો સાથે કામ કરીને આત્મવિશ્વાસ, ભાવનાત્મક બુદ્ધિ (Emotional Intelligence), સ્પષ્ટ સંવાદ કૌશલ્ય અને કાર્યસ્થળ માટેની તૈયારી વિકસાવવામાં માર્ગદર્શન આપ્યું છે.
નિશ્રીન સાદિકોટ એ આદિત્ય બિરલા ગ્રુપ, ટાઇટન, શોપર્સ સ્ટોપ, ICA ઇન્ફોટેક, ફ્યુચર ગ્રુપ સહિત દેશભરના અનેક સંસ્થાઓ સાથે કામ કર્યું છે. તેમની તાલીમ શૈલી વાર્તા આધારિત, અનુભૂતિસભર અને આત્મચિંતન પર આધારિત છે, જે શીખનારાઓ માટે સુરક્ષિત, સક્રિય અને પરિણામમુખી વાતાવરણ સર્જે છે.
આ સેમિનાર તા. 14 ફેબ્રુઆરી, શનિવારે બપોરે 04:00 થી 06:00 વાગ્યા સુધી શ્રી કરુણા ફાઉન્ડેશન ટ્રસ્ટના ઓનલાઇન પ્લેટફોર્મ ફેસબુક, યુટ્યુબ પર બતાવવામાં આવશે.