પર્યુષણ મહાપર્વમાં રોજ પ્રવચન અને ભક્તિ સાંજનો કાર્યક્રમ વિશ્વ શાંતિ કેન્દ્ર ગુરુગ્રામમાં – આચાર્ય લોકેશજી

આત્મ આરાધનાનો મહાન આધ્યાત્મિક પર્વ છે પર્યુષણ – આચાર્ય લોકેશજી

વિશ્વ શાંતિ કેન્દ્ર ગુરુગ્રામમાં જૈનધર્મનો પ્રખ્યાત “મહાપર્વ પર્યુષણ” વિશ્વવિખ્યાત જૈન આચાર્ય લોકેશજીના સાથસંગમાં ઉજવવામાં આવશે. અહિંસા વિશ્વ ભારતી દ્વારા આયોજિત કાર્યક્રમમાં વિવિધ વિષયો પર વ્યાખ્યાનમાળાનું આયોજન કરવામાં આવ્યું છે. વિશ્વ શાંતિ કેન્દ્ર, સેક્ટર-39, ગુરુગ્રામમાં તા. 20 થી 27 ઑગસ્ટ સુધી દરરોજ સાંજે 8 વાગ્યે ‘પ્રવચન’ થશે. તમામ શ્રદ્ધાળુઓ આ પવિત્ર પ્રસંગે આગમ આધારિત ભગવાન મહાવીરના વચનોના પ્રવચનો સાંભળી પર્યુષણ પર્વની આરાધના કરી શકશે. સાથે જ યોગાચાર્ય કરણ અને યોગાચાર્ય મન્થન સાધકોને ધ્યાન યોગ અને ભક્તિ સાંજનો અનુભવ કરાવશે. અહિંસા વિશ્વ ભારતી અને વિશ્વ શાંતિ કેન્દ્રના સ્થાપક આચાર્ય લોકેશજીએ પર્યુષણ મહાપર્વનો આરંભ કરતા કહ્યું કે ભારતીય સંસ્કૃતિમાં અનેક પ્રકારના પર્વો ઉજવાય છે, જેમાંથી કેટલાક લૌકિક, સામાજિક-સાંસ્કૃતિક અને રાષ્ટ્રીય પર્વ છે. તેમણે કહ્યું કે પર્યુષણ આત્મ આરાધનાનો મહાન આધ્યાત્મિક પર્વ છે. આ અવસરે તમામ શ્રદ્ધાળુઓએ આ પવિત્ર પર્વને સાર્થક બનાવવા માટે પોતાની આંતરિક શક્તિઓના જાગરણ માટે પ્રયત્ન કરવો જોઈએ. તેમણે કહ્યું કે આપણું શરીર માત્ર હાડ-માસનો પુંતળો નથી, તેમાં વિશ્વની પરમ સત્તા સમાઈ છે, જેને આધ્યાત્મિક અનુષ્ઠાનો દ્વારા જાગૃત કરી શકાય છે. તેમણે શ્રદ્ધાળુઓને આ અવધિ દરમિયાન વધુમાં વધુ ત્યાગ-તપસ્યા, ધ્યાન-સ્વાધ્યાય જેવા આધ્યાત્મિક અનુષ્ઠાનો દ્વારા આત્માને નિર્મળ અને પવિત્ર બનાવવાનું આહ્વાન કર્યું. જૈનધર્મના પ્રખ્યાત પર્યુષણ મહાપર્વ દરમિયાન મોટી સંખ્યામાં શ્રદ્ધાળુઓ ત્યાગ-તપસ્યા, ધ્યાન-સ્વાધ્યાય વગેરે આધ્યાત્મિક અનુષ્ઠાનો દ્વારા આત્માને નિર્મળ અને પવિત્ર બનાવે છે. જૈનધર્મમાં જન્મેલા દરેક શ્રદ્ધાળુની આ અભિલાષા હોય છે કે પર્યુષણ દરમિયાન તે વધુમાં વધુ આધ્યાત્મિક પ્રવૃત્તિઓમાં જોડાય. પર્યુષણ મહાપર્વના અવસરે પ્રખર ચિંતક, લેખક અને ઓજસ્વી વક્તા આચાર્ય લોકેશજી ભગવાન મહાવીરના આગમ આધારિત ઉપદેશ મુજબ વિવિધ વિષયો પર પ્રવચન આપશે. આચાર્ય લોકેશજીના આ પ્રવચનો સાંભળવા દેશ-વિદેશના શ્રદ્ધાળુ ઉત્સુક છે, જેનો અહિંસા વિશ્વ ભારતી YouTube ચેનલ પર લાઇવ પ્રસારણ કરવામાં આવશે, કાર્યક્રમની યાદી તા : 20 ઑગસ્ટ બુધવાર :- પર્યુષણ પર્વ અને આપણી જવાબદારી વિષય રહેશે, તા : 21 ઑગસ્ટ ગુરુવારના રોજ આહાર અને અધ્યાત્મ વિષય રહેશે, તા : 22 ઑગસ્ટ શુક્રવારના રોજ સિદ્ધિનું દ્વાર – જપયોગ વિષય રહેશે, તા : 23 ઑગસ્ટ શનિવારના રોજ મુક્તિનો માર્ગ – તપયોગ વિષય રહેશે, તા : 24 ઑગસ્ટ રવિવારના રોજ શાંતિનો સંદેશ – ધ્યાનયોગ વિષય રહેશે, તા : 25 ઑગસ્ટ સોમવારના રોજ જ્ઞાનનો માર્ગ – સ્વાધ્યાય યોગ વિષય રહેશે, તા : 26 ઑગસ્ટ મંગળવારના રોજ અધ્યાત્મનો સાર – સમતા યોગ વિષય રહેશે, તેમજ તા : 27 ઑગસ્ટ બુધવારના રોજ ક્ષમા – વીરનું આભૂષણ અને આવા જ અનેક વિષયો પર આચાર્ય લોકેશજી પ્રવચનો કરશે.