મુંબઈ વિશેષ અદાલતનો આજનો નિર્ણય સત્ય, ન્યાય અને ધર્મની જીત છે
– આચાર્ય લોકેશજી
અહિંસા વિશ્વ ભારતી અને વિશ્વ શાંતિ કેન્દ્રના સ્થાપક પૂજ્ય જૈન આચાર્ય લોકેશજીએ માલેગાંવ બ્લાસ્ટ મામલે મુંબઈની વિશેષ અદાલત દ્વારા લેવામાં આવેલા નિર્ણયનું સ્વાગત કરતાં જણાવ્યું કે આ નિર્ણય સત્ય, ન્યાય અને ધર્મની જીત દર્શાવે છે. આજના નિર્ણયના અનુસંધાનમાં આયોજિત ટીવી ચર્ચાઓમાં ભાગ લેતાં આચાર્ય લોકેશજીએ જણાવ્યું કે, “સત્યમેવ જયતે! હિંસાથી દૂર રહેવાનું એ જ હિન્દુત્વ છે. ભગવો ત્યાગ અને શૌર્યનું પ્રતીક છે.” પૂજ્ય આચાર્ય લોકેશજીએ વધુમાં કહ્યું કે ભારતનું લોકશાહી તંત્ર બંધારણ પર આધારિત છે અને આપણો ન્યાય વ્યવસ્થામાં સંપૂર્ણ વિશ્વાસ છે. તેથી અમે આ નિર્ણયનું હૃદયપૂર્વક સ્વાગત કરીએ છીએ. વિશ્વ શાંતિદૂત તરીકે જાણીતા આચાર્ય લોકેશજીએ જણાવ્યું કે સનાતન હિંદુ ધર્મ “વસુધૈવ કુટુંબકમ્”ના સિદ્ધાંતમાં વિશ્વાસ રાખે છે અને “સર્વે ભવન્તુ સુખિનઃ, સર્વે સંતુ નિરામયાઃ” એ તેમનો આદર્શ છે. આ ધર્મ આધ્યાત્મ, ત્યાગ અને તપસ્યાનું પરમ આયામ છે. જે લોકો આ માર્ગને અપનાવે છે તેઓ માનવ કલ્યાણ, વિશ્વ શાંતિ અને પ્રકૃતિના સંરક્ષણ માટે હંમેશા સમર્પિત રહે છે. ઋષિ-મુનિઓ અને સંતો દ્વારા ભારતભૂમિ પર માનવ સેવા અને વૈશ્વિક કલ્યાણની અનેક પ્રવૃત્તિઓ કાર્યરત છે. ભગવો રંગ પવિત્રતા અને ત્યાગનું પ્રતીક છે.
