ગૌ સંસ્કૃતિ આધારિત સ્ટાર્ટઅપ દ્વારા આત્મનિર્ભર બનવાનો અનોખો અવસર

શ્રી બંસી ગૌ ધામ, કાશીપુર (ઉત્તરાખંડ) ખાતે તા. 19, 20 અને 21 સપ્ટેમ્બર 2025ના રોજ “ગોબરધન કલા સ્ટાર્ટઅપ તાલીમ કાર્યક્રમ” યોજાનાર છે. આ વિશેષ તાલીમ કાર્યક્રમ દ્વારા ભાગ લેનારાઓને ગોબરથી વિવિધ ઉપયોગી તથા કલાત્મક ઉત્પાદનો બનાવવાની કળા શીખવશે. સાથે સાથે ગ્રામ્ય આજીવિકા વધારવા, મહિલા સશક્તિકરણના નવા અવસરો ઊભા કરવા અને સ્ટાર્ટઅપ મોડલ, માર્કેટિંગ તથા સરકારી યોજનાઓ સાથે કેવી રીતે જોડાવું તે અંગે માર્ગદર્શન આપવામાં આવશે.

આ કાર્યક્રમનો મુખ્ય હેતુ “ગૌ સંસ્કૃતિ દ્વારા અર્થવ્યવસ્થા નિર્માણ” કરવાનો છે. છેલ્લા 9 વર્ષથી ગૌ સંસ્કૃતિ આધારિત ઉત્પાદનો બનાવવા અને તાલીમ આપવાના ક્ષેત્રમાં મેળવેલા અનુભવોના આધારે હજારો લોકોને સ્ટાર્ટઅપ અને કૌશલ્ય વિકાસ માટે તાલીમ આપવામાં આવી ચૂકી છે.

આ તાલીમ કાર્યક્રમની વિશેષતાઓમાં પ્રાયોગિક (Hands-on) તાલીમ, અનુભવી માર્ગદર્શન અને સીમિત બેઠકોનો સમાવેશ થાય છે. “ફર્સ્ટ કમ, ફર્સ્ટ સર્વ”ના આધારે પસંદગી કરવામાં આવશે.

આ અનોખા કાર્યક્રમ દ્વારા ગૌ આધારિત ઉદ્યોગો, ગ્રામ્ય વિકાસ અને શૂન્ય-કચરા સાથે જોડાયેલી હરિત અર્થવ્યવસ્થા તરફ લોકોનું માર્ગદર્શન થશે. આ સાથે ગૌ સંસ્કૃતિને વૈશ્વિક સ્તરે આગળ ધપાવવાનો સંકલ્પ પણ છે. રજીસ્ટ્રેશન અને સંપર્ક માટે મો : 8218643240 નંબર પર સૂચવવા કહ્યું છે.