જે ના બોલે એને દયો બોલાવી

રુએ  એને  દયો  તમે   હસાવી

ગીત ગાઓ  સૌ  મંગળ  મંગળ

આવી દિવાળી આવી  દિવાળી

અંધારાને દયો  જોરથી  હટાવી

આવી છે જોને રાત અજવાળી

પ્રગટાવો સૌનાં હૈયે દીપ  પ્રેમનાં

પ્રકાશની  સર્વત્ર   કરો   લ્હાણી

ચારિત્ર્યવાન   બને  સૌ  ગૃહસ્થ

સૌને ગમે માત્ર પોતાની ઘરવાળી

ભૂલકાંની  નિર્દોષતા  પ્રગટે  બધે

કપટની કરી  દયો  તમે તડીપારી

સતયુગનાં મંડાણ  કરો  સ્વયંથી

પાપ  ખુણા  ખાચરાંનાં  પડકારી

આવી  દિવાળી  આવી દિવાળી

-મિત્તલ ખેતાણી(રાજકોટ,M.9824221999)નાં કાવ્ય સંગ્રહ

‘શબ્દ ઘેર આનંદ ભયો’માં થી